ചിറ്റൂർക്കാവ്–പഴയന്നൂർക്കാവ് ക്ഷേത്രങ്ങളിൽ നവരാത്രി ആഘോഷം ഒക്ടോബർ 11 മുതൽ

ചിറ്റൂർ: ചിറ്റൂർക്കാവ്–പഴയന്നൂർക്കാവ് ക്ഷേത്രങ്ങളിൽ നവരാത്രി ആഘോഷങ്ങൾ ഒക്ടോബർ 11 മുതൽ 21 വരെ നടക്കും. നവരാത്രി ഉത്സവത്തോടനുബന്ധിച്ച് ചിറ്റൂർക്കാവ് ക്ഷേത്രത്തിൽ എല്ലാ ദിവസവും വൈകീട്ട് 6 മുതൽ രാത്രി 10 വരെ വിവിധ കലാപരിപാടികൾ അരങ്ങേറും.

ഒക്ടോബർ 11ന് വൈകീട്ട് ആറിന് തിരുവാതിരക്കളിയും 7.30ന് സംഗീതസന്ധ്യയും നടക്കും. 12ന് വൈകീട്ട് ആറിന് സംഗീതാർച്ചനയും ഏഴിന് നൃത്താർച്ചനയും നടക്കും. 13ന് കർണാടക സംഗീതവും സംഗീതാർച്ചനയും ഉണ്ടായിരിക്കും.

14ന് ഭരതനാട്യവും ഭജനയും, 15ന് ഭരതനാട്യവും ഭക്തിഗാനസുധയും, 16ന് ഭരതനാട്യവും നൃത്താർച്ചനയും നടക്കും. 17ന് ഭരതനാട്യവും കർണാടക സംഗീതവും അരങ്ങേറും. 18ന് ഭരതനാട്യം, മോഹിനിയാട്ടം തുടങ്ങിയ കലാപരിപാടികളാണ് ഒരുക്കിയിട്ടുള്ളത്.

19ന് കരോക്കെ ഗാനമേളയും, 20ന് ബാലെ നൃത്തങ്ങളും നടക്കും. നവരാത്രി ആഘോഷങ്ങളുടെ സമാപന ദിവസമായ ഒക്ടോബർ 21ന് വൈകീട്ട് ഏഴിന് വിദ്യാരംഭ ചടങ്ങ് നടക്കും.

ക്ഷേത്രത്തിലെ നവരാത്രി ആഘോഷങ്ങളുടെ ഭാഗമായി വിവിധ ദിവസങ്ങളിൽ സംഗീതം, നൃത്തം, ഭജന, ഭക്തിഗാനങ്ങൾ തുടങ്ങി വൈവിധ്യമാർന്ന കലാപരിപാടികളാണ് ഒരുക്കിയിരിക്കുന്നത്.